Davao City – Aduna nay person of interest ang kapolisan sa Talomo sa suspek sa pagpamusil sa usa ka barangay tanod nahitabo sa Prk. Kauswagan, Brgy. Magtuod, Maa ning siyudad.
Nakarekober na gikan sa makuyaw nga kahimtang ang biktima nga si Danilo Alcain nga naigo ang tiyan human gipusil sa usa ka grupo sa kalalakin-an sakay sa usa ka payong-payong.
Gani sa pagsubay sa mga hulagway sa rouge gallery sa Talomo PNP positibong gitudlo sa biktima ang usa ka suspek nga giilang si alyas Ramonito.
Sumala pa, ang maong suspek dunay nakabinbin nga kasong theft na gi-file ngadto sa City Prosecutors Office, samtang padayun pa ang follow-up investigation aron sa posibleng pagka sikop sa suspek ug giprepara na ang mga pertinenteng dokumento aron mapasakahan kini sa tukmang kaso.
RadyoMaN Paul Canono
