Suspek sa hit-and-run arestado

Davao City – Naaresto na sa Talomo Police Traffic Section ang driver nga naka hit-and-run patay sa usa ka biktimang trabahante sa dihang mitabok sa pedestrian lane sa Barangay Ma-a Davao City.

Ang dinakpan mao si Alberto Aquino Jr. nagpuyo sa Purok 2 Brgy. Ilang driver sa Isuzu white pickup nga dunay plaka numero LEN-792 nga naka ligis-patay sa biktima nga mao si Junward Cayaog, 25 anyos nagpuyo sa Calinan niadtong Lunes sa kagabhion.

Nasikop ang suspek human adunay mga saksi nga mihatag ug impormasyon nga nakakita sa maong aksidente diin wala manumbaling ang maong driver ug mipaturatoy lamang sa pagpadagan binyaan ang biktima nga nagbuy-od sa dalan.


Nisaad ang agalon sa suspek nga makig areglo sa tagtungod apan kasong reckless imprudence resulting to homicide ang kasong ipasaka gihapon sa kapulisan batok sa dinakpan ngadto sa piskaliya samtang ang patay nga lawas sa biktima gihaya na sa ilang pinuy anan sa Riverside Calinan ning syudad sa Davao.

Kahinumduman nga nangayo og tabang ang tagtungod sa biktima kang RadyoMaN Renelyn Barbarona sa programang Serbisyong Straight to the Point aron mahatagn og hustisya ang gidangatan sa ilang kabanay.

RadyoMaN Erin Amisola

Facebook Comments