[UPDATED NEWS]
Ang driver ang gin kilala sa kay Franz Magbanua, 27 anyos soltero kag residente sang Tabuc Suba, Jaro.
Ini sya ang nag surrender kagab e sa Jaro Police station matapos nag pakig angot sa RMN Iloilo pinaagi kay RadyoMan Marjorie Hervo kag iya gin updan padulong sa police station.
Suno sa driver nga indi nya hungod nga mabungguan ang mga biktima bangud ini sya ang napiyungan samtang naga maneho sang iya salakyan papuli.
Sang iya nabunggu-an ang mga biktima, gin hadlukan ini nga mag dulog bangud man sa kakulba nga base sapotehon sya sang pamilya kabangdanan iya desisyunan nga mag deretso pauli kag nag panugidon sa iya pamilya sang natabo.
Didto kag nag initiate sang contact ang pamilya sa RMN Iloilo kag gin updan ni radyoMan Marj sa Jaro police station kag didto ginpatawag ang pamilya sang mga biktima upod ang barangay kapitan sang Tacas Jaro.
Ila didto nahisugtan nga sabton tanan sang pamilya sang driver ang tanan nga kagastuhanan sa ospital kun sa diin nag pabor man ang pamilya kag himata ka mga biktima.
Lubos naman ang pagpangayo sang pasaylo sang driver sa pamilya sang mga biktima kag handa ini mag bulig kutob sang ila masarangan sa pag pabulong sang ila mga himata.
Tanan nga kagastuhanan sa ospital ang iga shoulder sang pamilya sang driver.
