SUSPEK SA KASONG FRUSTRATED RAPE UG HOMICIDE, DAKPAN

36

General Santos City—Arestado ang usa ka 61 anyos nga lalaki atol sa gihimong hot pursuit operation human niining gisuwayan ug lugos ug patay ang usa ka 19 anyos nga babaye sa Purok San Agustin, Barangay Poblacion, Polomolok, South Cotabato.

Sumala kang Police Capt. Randy Apostol, deputy station commander sa Polomolok Municipal Police Station nga alas 5:00 pasado ang takna sa buntag dihang nahitabo ang insidente. Giila niini ang suspek nga Si Miguel Beghanilom, nga residente sa maong lugar.


Gikaingong misukol matud pa ang biktima hinungdan iyaha kining gidunggab makadaghang higayon. Paspas nga nisibat ang suspek, apan malampuson kining nadakpan sa panimalay sa usa sa iyahang mga kabanay.

Dugang pamahayag ni Capt. Apostol nga nagpabilin karon nga anaa sa kritikal nga kondisyon ang biktima gumikan sa kadaghan sa samad nga iyahang na-angkon.

Nasayran nga ang suspek ang bag-uhay lang nakagawas sa prisuhan gumikan sa kasong double murder ug nahatagan kini ug parole.

Gikatakdang pasakaan ug kasong frustrated rape with frustrated homicide ingon man pagsupak sa R.A 9165 ang suspek nga kasamtangang balhog sa prisuhan sa Polomolok Police Station.(LVR)




Facebook Comments