Construction worker nga nangransak og gym, nasikop

Wala maka-ipsot sa hot pursuit operation sa Intelligence operative sa Divisoria Police Station ang usa ka construction worker nga suspek sa kasong Robbery.

 

Matud ni Chief Inspector Julius Clark Prisco Macariola, Hepe sa Divisoria Police Station nga ang suspek mao ang 23 anyos nga si Roger Codilla, ulitawo nga taga Kiwalan, Iligan City apan kasamtangang nagpuyo sa  dalan Yacapin- Capt. Vicente Roa Street ning syudad.

 

Gibutyag ni Macariola nga ang maong suspek nakit-an ug naila pinaagi sa CCTV footage nga maoy responsable  sa pagransak sa usa ka Equilibrium Gym  sa Chaves-Tiano Street ning syudad sa Cagayan de Oro.


 

Mga alas 10:47 ang takna kagabie, gikataho nga giransak sa maong suspek ang Gym nga gipanag-iyahan sa 32 anyos nga si Ben Rad Calonia, minyo ug taga Zone 5,  Upper Bulua ning syudad sa Cagayan  de Oro.

 

Matud ni Macariola nga base sa reklamo ni Calonia sa Divisoria police, giguba sa maong suspek  ang Window glass sa iyang Gym.

 

Gipasabot sa Hepe nga base sa report ni Calonia sa Divisoria police, nakuha ug nadala sa maong suspek ang  iyang siyete mil pesos nga kantidad sa sapatos, tres mil pesos nga Iphone charger ug 1,500 pesos nga mga  detergent bar nga gipanag-iyahan sa iyang kauban sa Gym  nga si  Daniel Capuso.

 

Mga alas 11:20 kagabi-e, naglunsad sa hot pursuit operation ang intelligence operative sa Divisoria police station ug milampos sila pagdakop sa maong suspek sa iyang hide-out sa dalan Yacapin- Capt. Vicente Roa ning syudad.

 

Nabawi sa mga otoridad gikan sa  maong suspect ang mga butang nga nawala gikan sa Gym  ni  Calonia

 

Ang maong suspek detinado sa Maharkika Detention Cell ug karong adlawa gitakda nga mapasakaan sa kasong Robbery.

Facebook Comments