Suspek sa pagdunggab-patay sa bayaw nadakpan ug gikasuhan

32

Davao City – Nadakpan sa mga awtoridad ang suspek sa pagdunggab patay sa iyang bayaw sa gilusad nga hot pursuit operation.

Sumala ni Baguio Police Station Chief of Police Major Archilles Bargio sa interbyu sa DXDC RMN Davao, kasong homicide ang ipasaka batok sa suspek nga si Juan Para Cubero Jr., alias “Junior”.


Sa imbestigasyon sa kapulisan nag-inom ang suspek ug biktimang si Winnie Tikis-Tikis ug nisangpot kini sa panaglalis.

Matud ni Bargio, nidepensa ang suspek sa iyahang igsuong babayi nga giingong gipasakitan sa biktima. Niuli ang suspek sa iyang balay apan gisulong sa biktima ug subling nagkalantugi ang duha nga miresulta sa pagdunggab.

Gidala pa sa Isaac T. Robillo Memorial Hospital ang biktima tungod sa nahiagumang samad dinunggaban sa dughan ug sa nagkadaiyang bahin sa lawas, apan gideklara na kining dead on arrival.

Pursigido ang asawa sa biktima nga pasakaa’g kaso ang iyahang igsuon nga nidunggab patay sa iyahang bana.




RadyoMaN Aimee Guinita

Facebook Comments