Suspek sa pagkawat sang Motor sa Molo, nadakpan.

287

Nadakpan sang mga katapo sang Molo PNP ang suspek sa pagkawat sang motorsiklo nga ginapanag-iyahan ni Philip Alfred Saprena, 20 anyos sang Sta. Barbara, Iloilo.
Ini matapos gin-post sang suspek nga ginkilala kay Wilfred Obedente, 30 anyos sang Barangay Igpajo, Miag-ao, Iloilo ang ginkawat sini nga motorsiklo sa Buy and sale on line.
Ginpahayag ni Police Major Engelbert Banquillo, hepe sang Molo PNP nga nadula ang motorsiklo ni Saprena sang Agosto 5 samtang naga-park sa guwa sang Iloilo Doctor’s College kag sang damlag lang nakita sang tag-iya nga na-post on line kag ginabaligya.
Bangud sini, nagreport sa mga pulis si Saprena kag gilayon man nga naghulag ang mga otoridad kag gin-transaksyon si Obedente kahapon tubtub nga nadakpan ini.
Gilayon man nga nag-coordinate sa Miag-ao PNP ang Molo PNP kag didto nahibaluan nga may lima pa ka mga carnap motorcycles sa balay sini sa barangay Igpajo, Miag-ao, Iloilo.

Facebook Comments

From Advertisers