Suspek sa pagpangawat, nailhan human makitang nagpost sa facebook soot ang kinawat nga T-shirt

Naila sa 36 anyos nga babaye ang mga suspek nga nangawat sa iyang barber shop human kini makit-ang nag-post sa facebook soot ang kinawat nga t-shirt.

 

Matud ni Lailaine Rebucas, ang tag-iya sa Longski Barber shop kinsa residente sa Celrai, Macabalan nga gikawat ang bangko sa iyang shop nga nagkantidad sa 10-mil pesos ug RTW nga T-shirt sa mga suspek nga nailang sila Rechie Tapdasan alyas Bocnoy, Rexboy Paje, Rolly Toledo ug uban pang kauban niini.

 

Gikumpirma sa biktima ang maong mga suspek human niini makita ang post sa facebook account ni Rechie Tapdasan diin soot niini ang T-shirt nga kinawat gikan sa iyang barber shop.


 

Sa karon, gi-refer na sa Intelligence operatives ang maong hitabo aron daling madakpan ang mga suspek.

Facebook Comments