Suspek sa pagpangawat ug suway ug pagpanglugos-sikop

General Santos City—Sikop ang usa ka John Leonard Lim, 31 anyos, tricycle driver , nga taga Purok Malipayon, Barangay Labangal, suspek sa pagpangawat ug pagsuway ug lugos sa usa ka maestra sa usa ka pribadong eskwelahan sa Gensan ala 1:00 ang takna sa kabuntagon kagahapong adlawa, Domingo, Sept. 9, 2018.

Subay sa sumbong sa biktimang itago lang sa pangalang alias She, samtang siya natulog sulod sa iyang boarding house nga nahimutang sa Barangay City Heights, Gensan, nakamata nalang kini human nga gihimas-himas matud pa sa suspek ang iyang prinadong parti sa kalawasan. Tungod niini siya misyagit apan siya gikulata sa suspek dayon sibat dala ang iyang bag.

Gilayong nagpatabang sa Police Station 4 ang biktima, aron nga magukod ang suspetsadong misibat.


Pila ka oras ang nakalabay, mikontak matud pa ang suspek ngadto sa Land Lady sa biktima nga si Alias Jerly nga matud pa gusto niining musurender kaniya. Didto na nakig-alayon si Jerly sa kapulisan.

Didto na gihimo ang hot pursuit operation batok sa suspek nga miresulta sa pagkasikop niini. Atol sa pagkapkap sa mga bulsa sa suspek nakuhaan kini ug usa ka sachet sa gituohang shabu.

Facebook Comments