Suspek sa pagpanglugos sa 7 anyos nga bata sa T’boli, gikasuhan na

9

General Santos City–Hingpit nang napasakaan ug kaso sa T’boli PNP ang suspek nga si Baldwin Blunto, 22 anyos nga taga barangay Poblacion, T’boli, South Cotabato kansa suspek sa pagpanglugos sa 7 anyos nga biktima didto sa ilang lugar.

Sumala ni Police Sr. Inspector Ramil Villagracia, hepe sa T’boli PNP nga human midesisyon ang pamilya sa biktima nga idayon ang kaso human nasikop ang suspek gilayon nga gilihok nila ang pagpasang-at ug kaso.

Nasayran nga kasong lugos ang gi-file sa WCPD sa T’boli PNP batok sa suspek pinaagi sa inquest proceeding. Ginasuta pa sa kapulisan kung lango sa ilimnong nakabuhog ang suspek o lango sa iligal nga droga.

Nasayran nga basi sa pahayag sa pamilya sa suspek adunay deperensya sa panghuna-huna ang suspek, apan basi sa aligasyon sa pamilya sa biktima nga ilado matud pa nga adik sa ilang lugar ang suspetsado.

Facebook Comments