Suspek sa pagpangluthang ginkulata sang mga residente sa Koronadal City.

22
Accident or crime scene cordon tape, police line do not cross. It is nighttime, emergency lights of police cars flashing blue, red and white in the background

Landing ospital ang suspek sa pagpangluthang, matapos nga kulatahon sang mga residente sa Prk. Megaland, Brgy. Carpenter Hill, pasado alas 8:00 kagab-i, Abril 9, 2021.
Ginkilala ang suspek kay Henry Albano, yara sa legal nga pang-edaron, may asawa kag residente sang nasambit nga lugar.
Base sa imbestigasyon sang Koronadal CPS nagpadulong sa balay sang biktima nga si Eduardo Bañaria, 61- anyos, driver kag residente man sang nasambit nga lugar ang suspek nga si Albano kag gintiro sini ang biktima.
Maswerte naman nga wala naigo ang biktima amo nga nalagyo kag nagpanago ini.
Apang ginkulata sang akig nga mga residente ang suspek kabangdanan nga nakaangkon sang pilas sa mga nagkalain-lain nga parte sang iya nga lawas nga gilayon man nga gindala sa ospital.
Narekober naman sa natabuan sang insidente ang 10 ka empty shells sang kalibre 38, 1 ka unit sang 38 cal. Pistol nga kargado sang apat ka bala.
Kaso naman nga attempted homicide ang ipasaka batok sa suspek nga sa subong nagapaidalom sa medikasyon sa isa ka pribado nga ospital sa Koronadal City..
Sa subong padayon pa ang imbestigasyon sang Koronadal CPS sa motibo sang insidente.

Facebook Comments