Suspek sa pagpangransak nga napusilan-patay, gikonsiderang number 1 most wanted

General Santos City— Gipaklaro ni Police Chief Inspector Peter Pinalgan Jr. hepe sa Police Station 3 nga usa ka Brgy. Kagawad ug Chief Tanod sa Brgy. Bawing ang nagkumpirma sa ilhanan sa suspek sa pagpangransak sa usa Rose Pharmacy nga nahimutang sa San Pedro St. corner Jose Catolico St. nga napatay sa kapulisan.

Ang suspek nailang si Faisar Pawas Guiamta, alyas Jaiden, 24 nayos nga residente sa Prk. Changco, Brgy. Bawing ning dakbayan. Pag-angkon niya nga na-claim na ang patay’ng lawas sa suspek ngadto sa usa ka purenarya apan nagdumili matud pa nga mgahatag ug impormasyon ang kabanay.

Dugang pamahayag ni PCI Pinalgan nga higayon nga makumpirma ang identity sa suspek, daghang kaso ang masulbad sama nalang sa gikalambigitan niining kasong murder sa Police Station 5.


Samtang aduna usab kini laing kaso nga frustrated murder sa Police Station 7 ingon man usa kini sa mga gitudlong suspek sa nahitabong pagpamusil sa police station 2 ug gikonsidera usab kini nga number 1 most wanted sa Police Station 5.

Sa karon, ilaha pang gina-paabot ang resulta sa ballistic examination, higayon matud pa nga mag-match ang mga basyo sa bala nga narekober sa maong mga insidente ug sa bala gikan sa armas sa suspek nga narekober dihang kini mapatay sa kapulisan, makonsidera ng sulbad ang maong mga kaso.

Kalabot niini, gibutyag ni PCI Pinalgan nga anaa sa watchlist sa police station 5 ang suspek sa gumikan sa pagkalambigit niini sa illegal nga druga.

Dako man usab ang pagtuo sa nasangpit nga opisyal nga adunay mga kaubanan ang suspek gumikan ang susamang hinimuan ang dili lang hinimuan sa usa ka tawo. Apan sa kaorn, dili pa niya mabutyag nga usa kini ka organize crime group gumikan padayon pa man ang ilahang ginahimo nga imbestigasyon. (photo: PRO12)

Facebook Comments