Suspek sa pagpanigbas-misurender

General Santos City—Misurender sa iyang kaugalingon ang usa ka Tonton Tanza, legal age, residenti sa Block 8, Banualan, Barangay Tambler, Gensan human iyang natigbasan ang iyang silingan nga si Rudy Baclay, legal age.

Nasayran nga alas 7:30 ang takna sa buntag dihang miabot nga hubog sa ilang lugar ang biktimang si Baclay, iyang gisinggitan matud pa ug bungol ang suspek.

Gitubag tubag sa suspek ang biktima nga hinungdan sa pagkairita niini, mikuha ug kutsilyo si Baclay aron unta dunggabon ang suspek apan nakalikay ang nahisgutan.


Didto na mikuha ug sundang ang suspetsado dayon gitigbas ang biktima igo sa iyang ulo ug sa bukton nga bahin.

Human sa insidenti gidala dayon sa ospital ang biktima samtang ang suspek misurender dayon sa buhatan sa Tambler Police Station.

Facebook Comments