Suspek sa pagpatay’g silingan nadakpan

Davao City – Human sa mag-duha ka tuig nga pagtago-tago sa mga awtoridad malampusong naaresto atol sa joint-operation sa Talomo PNP ug Philippine Air Force, Tactical Operations Wing – Eastern Mindanao ang suspek sa pagpatay kang Renato Laput, 33 anyos, niadtong Hulyo 8, 2017 sa may Purok 9, Southbay, Brgy. Lapu-Lapu, Agdao ning syudad.

Segun ni Talomo PNP station commander Police Major Ronald Lao nadakpan nila bandang alas-10:00 sa gabie adlaw’ng Miyerkules sa may Times beach, Ecoland, Davao City ang suspek nga si John Walter Diaz Yap, 24 anyos.

Pinasikad sa warrant of arrest sa kasong Murder nga walay girekomendar nga pyansa nga gilagdaan ug giisyu ni RTC Branch 11 Judge, Hon. Leo Tolentino Madrazo niadtong March 14, 2018 gipresenta kini sa mga awtoridad sa maong suspek.


Matud pa sa report nga personal nga bangi ang motibo sa krimen diin samtang lango sa ilimnon ang suspek nadunggaban-patay niini ang iyahang silingan.

RadyoMaN Aimee Guinita

Facebook Comments