Syam ka mga establishemento sa rehiyon dose permanente na nga magsarado tungod sa epekto sang COVID-19, suno sa DOLE 12.

27

May-yara na sang syam ka mga establishemento dire sa rehiyon dose ang nagpalab-ot sang abiso sa Department of Labor and Employment ukon DOLE 12 nga permanente na nga magsarado tungod sa natuga nga epekto sang coronavirus disease 2019 ukon COVID-19 pandemic sa ila nga negosyo.
Suno kay DOLE 12 Assistant Regional Director Arlene Bisnon kadam-an sa nasambit nga mga establishemento ang mga magagmay kapareho sang parlor, restaurant kag iban pa.
Yara naman suno pa sa 170 ka mga empleyado ang apektado sa pagsarado sang nasambit nga mga establishemento kag nakahanda naman suno pa ang ahensya nga maghatag sang ayuda sa mga ini paagi sa paghatag sa ila sang livelihood assistance.
Samtang ginkumpirmar man ni Bisnon nga ang mga dalagku nga establishemento ang padayon nga nagapatuman sang flexible working scheme sa mga empleyado sini kag wala pa man sang nag-abiso sa ila nga magpatuman sang retrenchment sa work force sang mga ini.

Facebook Comments