Syam ka mga pamilya halin sa North Cotabato temporaryo nga nagdayon sa ila nga himata sa banwa sang Norala.

Yara sa syam ka mga pamilya nga halin sa Purok 8, Barangay Batasan , Makilala North Cotabato nga apektado sang magkasunod nga mabaskog nga linog ang nagbakwit kag nagdayon sa ila nga pamilya sa banwa sang Norala, South Cotabato base sa ginpatigayon nga validation sang Municipal Disaster Risk Reduction and Management Office.
May-angot sini, suno kay Operations and Warning Division Chief Rolly Aquino sang nabaton nila ang report sang MDRRMO Norala gilayon nga naghatag sang relief packs ang Provincial Disaster Risk Reduction and Management Office sa nasambit nga mga bakwit.
Sa subong suno kay Aquino padayon nila nga ginamonitor kon may mga residente halin sa North Cotabato nga apektado sang mabaskog nga linog ang nagpadulong dire sa probinsya.

Facebook Comments