Davao City- Ang sitwasyon sa Shrine Hills usa ka timailhan sa huyang nga implementasyon sa mga palisiya. Kini ang gihimong paghulagway sa Kinaiyahan Foundation sa nagkakuyaw nga kahimtang karon sa Shrine Hills ning syudad sa Davao.
Sumala ni Kinaiyahan Foundation chairman Betty Cabasares, kaniadto pa duna nay mga palisiya nga nagdili sa pagdevelop sa maong lugar tungod kay delikado nga moresulta lamang sa dakong perdisyon kung nganong wala mabadlong nga unta nia ra man sa sentro nga bahin sa dakbayan.
Gipasabot ni Cabasares, sa ingon niini nga sitwasyon kinahanglang seryosohon sa lokal nga gobyerno ang pagpatuman sa mga palisiya usa na niini ang hinanaling pagpabalhin sa mga katawhan sa maong lugar.
Samtang giklaro usab ni Cabasares ang nahitabo sa shrine hills nga dili makapugong ang mga opisyales sa gobyerno, bura ug naay dakong tawo nga dili mapugngan kung unsay iyang himoon sa maong lugar. Dako ang pagtoo sa chairman sa kinaiyahan foundation nga dunay untouchable nianang dapita.
RadyoMan Bernard Pantallon
