Tag-iya sa Cagayan Town Center, ipatawag sa konseho

Giplano ni Konsehal George Goking nga ipatawag sa iyang komitiba ang tag-iya sa Cagayan Town Center ug uban pang tag-iya sa mga establisimento sa Cagayan  de Oro aron iyang  mapasabot unsay insaktong gamit sa parking area.

 

Gibutyag ni Goking nga ubos gihapon sa regulasyon sa City hall ang mga parking area sa mga establishment kon kini gigamit sa pampublikong mga katuyoan.

 

Dugang pa niini nga posibling adunay violation ang tag-iya sa Cagayan Town Center human nasapon sa mga ginsakpan sa Regulatory and Complaint Board nga nag-inom ang ilang mga customers sa ilang parking area.


 

Matud ni Goking nga  kon walay business permit ang ilang parking area ug gigamit kini silbing imnanan, nakasupak kini sa balaod.

 

Dugang pa sa maong opisyal nga kini ang rason nga iyang mitingon ang mga tag-iya sa mga establishment ning syudad aron dili na masubli ang nahitabo sa Cagayan Town Center.

Facebook Comments