South Cotabato–Gikabutyag ni Police Major Joseph Forro ang hepe sa Banga Municipal Police Station nga usa ka ex-army nga si Hermoso Castillon nga dugay nang namatay ang nanag-iya sa Granada nga nakaplagan niadtong milabay’ng adlaw sa Purok Malinong ,Brgy.Benitez Banga Sot Cot.
Sumala pa ni Forro nga dugay nang gilubong ang Granada gawas sa panimalay sa kanhing ex-army ug gumikan kay maagian kini sa tubig nga gikan sa silingan ug medyo mabaw usab ang gilubngan niini hinungdan nga migimaw kini ug nakit-an sa mga bata nga nagdula niadtong higayona.
Sayasay man usab sa opisyal nga atol sa pagresponde sa explosive ordinance team kon EOD nasuta nga usa ka MK2 fragmentation grenade ang narekober ug gilayon man usab kining gipabuto sa kilid sa sapa sa Brgy.Rang-ay sa nasampit nga munisipyo. (Reynald Timario)
