Tag-iya sang truck nga naglapak sa maestro kag nurse sa Cadiz handa nga magbulig sa pamilya sang mga biktima

20

Handa ang tag-iya sang truck nga magbulig sa galastuhon sa lubong sang nurse kag maestro nga napatay sa aksidente sa Brgy. Caduhaan syudad sang Cadiz pasado las kwatro sang hapon kahapon, Nobyembre 20.

Suno kay Police Corporal Dindo Ebag, traffic investigator sang Cadiz City Police Station, nakigkita na ang tag-iya sang truck nga si Edgar Duller sang Iloilo City sa pamilya sang mga biktima nga sanday John Paul Ladrillo, 30-anyos isa ka nurse sa Cadiz District Hospital kag Dan Eurich Depasupil isa, maestro sa Vicente Patricio Memorial Elementary School sa Brgy. Magsaysay, Cadiz City, apang wala pa sang tul-id nga naistoryahan.


Santo sa imbestigasyon, wala kuntani sang sala ang truck driver nga si Mario Bendevel, 47, sang Brgy. Malasibog , Escalante City, bangud ang mga biktima ang nag-over take kag natumba kag nalapakan ang mga ini. Sa karun detinado si Bendevel, kag kun wala pa sang kaso nga mapasaka antes magtapos ang reglementary period of detention, hilwayon anay ang driver.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments