Tag-iya ug hotel nagsideline sa pagbaligya ug ecstacy nadakpan

Nadakpan ang usa ka negosyante nga nanag-iya ug hotel apan nagsideline sad diay sa pagpamaligya ug party drug nga gitawag ug “ecstacy.”
Unang nasikop sa buy-bust operation ang negosyante nga si Richard Go, 40 anyos apil na ang iyang supplier nga taga Gochan Subdivision sa Barangay Quiot nga si Neil Benjamin Yap, 33 anyos .
Si Go nadakpan sa kapolisan sa iyang lawak sa R. Suite Hotel nga siya usab ang tag-iya ,nga anaa sa A.C. Cortes Street sa Barangay Alang-alang Mandaue.
Sila si Go ug Yap pulos nakuhaan ug tag-napu ka ka lain-laing matang sa party drug nga “ecstacy.”
Gipresentar nila ni Police Regional Office -7 Director Jose Mario Espino apil na ang nakuha nga mga ebidensiya batok nila.
Ang buy-bust operation gihimo sa Regional Special Operations Group-7 ug Regional Drug Enforcement Unit 7.

Facebook Comments