Taga Baluarte, Molo | OFW naga hilibion nga nagapa-rescue sa Riyadh

127

Report ni: Tita Jen Palomo DebajaPadayun nga nagahulat sang rescue si Reddy Villaruz,27 anyos sang Baluarte Molo matapos gin pa police sang amo sini sang mag reklamu sa POLO office sang Philippine embassy sa Riyadh ,Saudi Arabia.Nagpangayo sang bulig si Reddy sa aton via messenger tungod naga kahangawa na gid ini sa iya sitwasyon. Nagpalapit sya sa embahada kag ginreklamu ang gina deduct nga 600 riyal sa sweldo sini kadabulan nga rason ginkaakig sang iya amo.Suno kay Reddy 1,500 riyal ang ginpirmahan niya nga paga swelduhon sang mag abot ini sang Disyembre nagligad nga tuig sa Riyadh agud mag ubra sa burgeran.Nakibot nalang ini nga may deduction na sa iya sweldo kada bulan.Santo sa panaysayon ni Reddy ,takna alas 3:30 sang hapon sang Marso 4,2018 samtang yara ini sa burgeran nga iya gina ubrahan,gulpi nag abot ang iya amo nga Arabo kag dali dali nga gin confiscate ang iya cellphone. Pabalang nga gin tungtong sa lamesa sang amo ang cellphone sini kag ginhangkat siya nga matapungulay. Tungod nagalikaw mapriso nag pahimunong lang ini . Nag umpisa na pangakig ang amo kag ginsukmatan siya kon ngaa nagreklamu sa embassy. Tungod sa sakit sang ulo nga ginhimu sa iya nagtawag kuno ini sang police kay ipapriso nalang siya.Ginhagad ini sang amo nga maggwa sila kay maabot na ang police ,apang nagtuyo sya malagyo paagi sa paglisensiya nga mapa c r kay kon makatigayon madalagan siya kon tani kag madangop sa embassy.Apang hinali sya ginkaptan sang amo sa kamot kag ginpilit guyod paggwa sa burgeran.Tungod wala pa ang police, didto na sya sa gwa padayon nga gin insulto kag pakahuy an sang amo.Pag abot sang police ginpasulod ini dayon sa patrol car . Nag estoryahanay ang police kag ang amo sini. Matapos ang 5 ka minutos ginpa gwa na siya sa patrol car kag gina pilit papirmahon sang amo sa I sang ngalan sini apang wala gid siya nagpirma.Gin pa promisa nalang sya sang amo sa atubang sang police nga indi na pagsuliton ang magreklamu.Kabay nga marescue na si Reddy sa gilayon.

Facebook Comments