Taga Dinas nga nadakpan sa pagpayuhot sa illegal nga drogang shabu

40

Pagadian City – Lain pang suspek sa pagpayuhot sa illegal nga drogas ang nadakpan sa otoridad atol sa paglusad sa Anti-illegal Drugs (Buy-Bust) operation sa Bagong Silang, Barangay Balangasan ning syudad sa Pagadian kagapong adlawa.
Malampuson nga nadakpan ang suspek nga si Joel Manhuyod, 40-anyos, truck driver, residente sa Purok 6, Old Mirapau, Dinas, Zamboanga del Sur.
Ang drug buy-bust operation gihimo sa tropa sa Pagadian City Police Station Drug Enforcement Team diin miresulta sa pagkasikop sa target.
Nakuha sa posisyon sa dinakpan ang pulo ka pakite sa gitoohang shabu nga gibana-banang mobalor sa 8,000.00.
Narekober usab gikan sa dinakpan ang 500 buy-bust money .
Ditenado ang suspek sa Pagadian City Police Station custodial detention facility ug gikatakdang pasakaan sa tukmang kaso ang kalapasan sa Comprehensive Dangerous Drugs Act.

Facebook Comments

From Advertisers