Taga Tacloban City, nadismayo han makadaog hin House and Lot tikang ha RMN

1174

TACLOBAN CITY – Nabunot na an mga nagdaog han RMN Big Christmas Raffle Promo 2018 yana nga adlaw, February 9, 2019.

Una na nga ginbunot an mga nagdaog han P5,000 nga hira Wilmar Guimong, residente ha Brgy. 106 Sto Nino, Tacloban City; ngan hi Rommel Catantan, residente ha Brgy. Salvacion, Dulag, Leyte.

Sunod nga ginbunot an nagdaog naman han P20,000 nga hi Arnel Gabin, residente ha Brgy. Jamorawon, Calbayog City, Samar.

Swerte naman nga nabunot para han Grand Prize nga P2-Million worth han House And Lot hi Lyn Boncales, residente ha Brgy. 106 Sto Nino, Tacloban City.

Nakadto mismo hi Boncales ha Brgy. 43-A Burayan San Jose, Tacloban City para mawitness an raffle draw.

Han pagtawaga han iya ngaran, nadispamayo pa hi Boncales.

Han mahimasmasan, siring niya, diri hiya naglalaum nga magdadaog han nasabi nga grand draw kay sobra 5,000 an entries.

Gin-aaway pa daw hiya han iya asawa tungod nga umapi hiya han RMN raffle draw nga waray daw kasiguraduhan nga makakadaog.

Yana, dako an iya pasalamat syahan ha ginoo ngan ha RMN.

Nagpapasalamat gihapon an RMN ha mga sponsors: Milo, Tanduay, Speed Detergent Bar, Bear Brand, Enervon Multivitamins, ngan ha Lumina Homes Vista Land Company.

Facebook Comments