Tagdid-an bà kita malipay kon Semana Santa?

30

Kahamokan sa ato mga Pinoy pagSemana Santa gani excited sanan malipay manguli sa ato mga tagsa-tagsa ka mga lugar sanan an iban mokadto pa sa laing lugar kay magbakasyon, para mapahimuslan an taas na ‘holidays’.
Pero arang sab an nakapangutana kon uno lahi naman an kalainan kuman sa pagselebrar sa Semana Santa kaysa karaan na panahon? Kon sa kinaraan diha lamang sa panimayay o mga kalihokan sa simbahan magselebrar kuman sagad na himuon an pagbakasyon sa mga lugar na sagad kadtuan nan mga turista sanan makita na puno sà pagpakalipay iban sa pamilya o kaha barkada an selebrasyon .
An mga opisyales nan Catholic Bishops’ Conference of the Philippines (CBCP), pinaagi sa gipagawas na artikulo, nagsulti na dili bawal o dautan na maglipay-lipay pagSemana Santa basta lamang jaun ini sa marajaw na katujoan .
Sumaya pa nan CBCP an natural na kalipay dapat na maangkon pinaagi sa pagsunod sa sakto na binuhatan na amoy magdaya sa tagtawag na ‘kasagrado o holiness’ sa okasyon sanan dili lamang sa pagsuroy-suroy nan way rason.
Amu na, kon jaon man sa mga pagbakasyon sa nagkalain laing lugar an mga pamilyang pinoy kuman , ini isa ka paagi lamang sa ila paghandum sa Semana Santa sa makabag -o na panahon pero nagpadumdom isab an CBCP na ini himuon subay gihapon sa sakto na pamaagi an pag lipaylipay tungod kay an tagbawal o tagdili amu man an paghimo nan saya na amoy magpalajo sa ato sa Ginoo panahon man o dili sa Semana Santa. ( RadyoMaN Winston Ensomo)

Facebook Comments