Tagpatuman na General Curfew sa Surigao City otrohon an pangayan

Tagpatuman na General Curfew sa Surigao City otrohon an pangayan
Plano sa kadagkuan sa PNP na otrohon an pangayan sa tagpatuman na General Curfew ngadto sa Oplan Bantay Syudad. Ini an kusganong tagbutyag ni Supt. Jay Baybayan, an Chief of Police sa Surigao City.
Sumaya pa niini, ilayom sa Oplan Bantay Syudad susama ra an konsepto sa operasyon sa general curfew na kon diin gikan alas 12:00 sa tungang gabii hangtud alas 4:00 sa kaadlawon an mga hingkod an pangidaron an tagdili na maglatagaw sa kadayanan. Tagtudlo ni Supt. Baybayan, tagpaabot na nija an amo na plano sa buhatan ni Mayor Ernesto Matugas ug positibo ini na tagdawat.
Kon kahidumduman, sa pagpatawag nan mga sakop sa Sangguniang Panlungsod sa representante sa City PNP kahapon pinaagi kan Police Senior Inspector Wise Vicente Panuelos, isa sa suhestiyon sa mga sakop sa konseho an pag-otro sa ngayan sa general curfew. Pinaagi sa operasyon nan PNP, ini para na sa pag-implementar sa Oplan Bakal, mga motorsiklo na may saba na tambutso, mga drivers na wayay helmet o rehistro sa motor an pagadakpon ug para mawaya an pagsabot sa iban na wayay kagawasan sa paggawas sa panimayay panahon sa kagabhion.

Facebook Comments