Tagum drug dens nabungkag, dul-an P200-K droga narekober

Davao City – Nabungkag sa Philippine Drug Enforcement Agency (PDEA)-XI sa managlahing operasyon ang duha ka mga drug dens sa Tagum City, Davao del Norte niadtong Dominggo, Pebrero 24.

Alas-12:15 sa kaadlawon nakaporma na ang mga personahe sa PDEA batok sa gikonsiderang Number 1 Drug Personality sa Tagum City nga si Fredo Arimao alyas Pidong, 57 anyos sa balay niini didto sa may Purok 14, Barangay Madaum, Tagum City, Davao del Norte.

Pagtunol sa suspek sa nagkantidad og P15,000 nga shabu ngadto sa asset sa PDEA ayha gilayon kining gidakop.


Nakaikyas matud pa ang kauban niining si Oplok Arimao kinsa nakamatikod nga awtoridad ang ilahang ka-transact.

Arestado ang naabtang shabu nga si Erwin Apila kinsa naabtan usab sa maong anti-drug operation.

Samtang musumada sa P180,000 sa shabu ang nakuha sa PDEA sa laing operasyon sa
Purok Liwayway, Magugpo East ug Purok 5, Apokon Road, Tagum City, Davao del Norte.

Atol sa buy-bust operation alas-7:30 sa gabie arestado ang mag-amahan nga sila
Loreto Lawague alyas Dodong ug Mark Jeff Lawague kinsa napalitan sa mga operatiba og 10 gramos sa shabu nga mobalor sa P100,000.

Narekober usab sa mga suspek ang anaa sa 5 gramos o nagkantidad sa P75,000 nga shabu ug assorted drug paraphernalias.

Apil nga nasikop ang mga drug suspects nga sila Dexter John Estrada ug Alvin Puma.

Sa pikas bahin, giposasan ang tigpahuyot og droga nga si Eric Cagang kinsa napalitan usab og nagkantidad og P14,000 sa shabu sa agent sa PDEA kinsa nagpailang poseur buyer ngadto sa suspek.

Sa interbyu sa RMN Davao kang PDEA-XI Regional Director Antonio Rivera nga napasakaan na nila’g kaso may pagpalas sa RA 9165 ang pito ka mga suspek kagahapong adlawa.

RadyoMaN Aimee Guinita

Facebook Comments