Tagum investors mireklamo sa kapulisan

Davao City – Dili mo-ubos sa P20,000 ngadto na sa P2.5M ang kwartang gi-invest sa mga miyembro sa Titan 29, usa ka investment scheme sa Tagum City, Davao del Norte kinsa midagsa sa Tagum City Police Office kagahapong adlawa, June 17, 2019 aron mupadangat sa ilang reklamo.

Sa pakighinabi sa DXDC RMN Davao kang Police Col. Ferlu Silvio, ang Police Director sa Davao Del Norte, gikumpirma niini nga anaa sa kapin 70 ka indibidwal ang midangop sa Tagum City Police Office ingon man sa Criminal Investigation and Detection Group (CIDG) – Davao del Norte human nga wala na sumala pa nagpakita ang nagpaluyo sa maong investment scheme.

Saysay ni Silvio nga andam nga mutabang ang kapulisan sa mga pag-asister sa nahisgutan sa pagkuha og affidavit alang sa fomal complaint labot sa maong investment scheme sama sa nahitabo sa QuestLink Digital Marketing Services bag-ohay lamang.


“Kini karong sa Titan, ang matabang sa pulis, of course, ibutang gyud sa formal complaint. Taga assist sila sa pagkuha og affidavit para sa formal complaint,” saysay ni Silvio.

Samtang, nagamugna na usab karon ang Tagum PNP og Special Investigation Task Force (SITF) alang sa QuestLink Digital Marketing Services human nga mipaabot og formal complaint ang nahisgutan ngadto sa otoridad.

RadyoMaN Kirby Manzon

Facebook Comments