Tailing pond sang SONEDCO sa Kabankalan nag-leak rasun nga nag itom kag nagbaho ang suba

Gilayon nga gintawag ni Kabankalan City Mayor Pedro Zayco ang atensyon sang tagdumalahan sang SONEDCO Sugar Central sa ciudad angut sa hinali nga pag-itom sang tubig nga ginatudlo halin sa amo nga sentral.

Suno kay Zayco nagsugilanon siya sa manager sang sentral kon diin ginsiling sini nga naghimo sila gilayon sang tikang agud nga makaayo ang nag-leak nga tailing pond.

Nahibaluan, base sa pahayag sang manager, ang tailing pond sang SONEDCO kon diin naka stock ang water waste materials ang nag-leak kag gintunaan sang pag-ilig sang higko sa suba sa Brgy. Talubangi padulong sa banwa sang Ilog nga nagresulta sa pagkapatay sang mga isda.


Ginaklaro ni Zayco nga ini ang gina-usisa na sang DENR bangud nga makapila ka beses na ini nga natabo.

[image: image.png]

Facebook Comments