TAIWANESE TOURIST NGA HALOS NAKA- TOP LESS KAG NAKA- SOKSUK SANG G- STRING BIKINI NGA NAGAPALIWA LIWA SA BORACAY, NAG-EKSPLIKAR SA KAPULISAN

i Balita
October 12, 2019
(Photo from web)

TAIWANESE TOURIST NGA HALOS NAKA- TOP LESS KAG NAKA- SOKSUK SANG G- STRING BIKINI NGA NAGAPALIWA LIWA SA BORACAY, NAG-EKSPLIKAR SA KAPULISAN
Ginakabig nga fashion sang taiwanese tourist nga babaye nga nag-viral sa social media sang damlag lang ang pagsuksok sang halos topless kag string bikini samtang nga nagalagaw sa isla sang Boracay.
Suno sa Pol. Major Jess Baylon sang Malay Police Station indi makahibalo maghambal sang english ang babaye nga turista sang ila gin- inbestigar apang gin- translate naman ini sang iya nobyo ang iysa sabat
Ginpahayag sini sa mga kapulisan nga ok lang sa ila nga magsuksok sang kasubong nga bikini nga kabahin sang fashion sa ila lugar kag confident man ini bangud sa iya lawas.
GRAY AREA SA ORDINANSA
Aminado si Pol. Major Jess Baylon sang Malay Police Station nga may yara sang gray area sa ordinansa nga nagabawal sa mga turista sa ila gina-soksuk nga swim wear okon maghublas sa isla.
Suno kay Baylon, may yara sang ordinansa ang isla para sa mga naga-sun bathing apang wala ma-specify sa ordinansa kon anu nga klase sang bikini ang dapat suksokon rason nga gin kwestiyun man ini sang tag-iya sang hotel nga ginadayunan sang taiwanese couple kon sa diin kag ano nga ordinansa nakabayolar ang ila kliyente.
Bangud sini, gin- inbitahan sang kapulisan ang turista kag gin-isyuhan sang citation ticket nga gilayun naman nga gin-release matapos nagbayad ang mga ini sang multa
Nahibaluan nga nag-viral sa social media ang litrato sang isa ka taiwanese tourist nga halosa naka- hublas kag naka- two piece string bikini nga nagalagaw sa isla sang Boracay kaupod sang iya nobyo.
(photo credit to the owner)

Facebook Comments