Davao City – Daghan pang mga isyu ang ginaatubang sa mga bata karong panahona tungod kay daghan pa gihapon ang gitawag nga mga ‘Children in Conflict with the Law.’
Sumala ni Jeanette Ampog, Talikala Inc. Executive Director, mga isyung nakita nila nga nahilambigit ang atong mga kabataan lakip ang pagpanglugos ug ang uban ginapatay, pagpaubos sa edad nga pweding pasakaan ug kaso, child labor, trafficking ug prostitution nga wala pa gyuy hingpit natubag sa gobyerno.
Matud ni Ampog, wa pa gyud hingpit nakalingkawas gikan sa dautang inpluwensya ang kabataan tungod kay gitinguha pa gihapon nga paubsan ang edad aron pasakaan ug kaso, buot pasabot daghan pang nahilambigit sa krimen.
Gipasabot ni Ampog nga kung ipaubos ang edad sa makasohan, nagpasabot kini nga daghan ang mabilanggo ug mahikawan sa ilang kagawasan.
Samtang gisugyot usab sa director sa Talikala ang pagbutang og ‘special office’ nga maoy motutok sa problema sa mga bata nga dunay ensaktong mga programa ug palisiya.
RadyoMaN Bernard Pantallon
