Talisay City ginpaidalum sa state of calamity matapos ginbaha sang Enero 1

21

Ginpaidalum ang syudad sang Talisay, Negros Occidental sa state of calamity. Ini matapos nga gin-aprubahan na sang Sangguniang Panlungsod kahapon ang rekomendasyon ni Mayor Neil Lizares sa pagdeklarar sang state of calamity tubtob 15 diyas agud nga matutokan ang rehabilitation campaign sa mga lugar nga apektado sang baha sadtong una nga adlaw sang 2021.

Madumduman nga naapektuhan ang mga barangay sang Bubog, Dos Hermanas, Zones 1, 2, 3, 4, 4A, 5, 7, 10, 11, 12, 12A, 14, 14A, 14B, kag 17.


Sa record may kabilugan nga 4,661 ka pamliya ang apektado lakip na ang 21 ka mga naguba kag 244 nga na-damage nga mga panimalay.

[image: image.png]

Facebook Comments