Sambilog sa mga gina tan-aw ko Sangguniang Bayan it Kalibo nga naga tuga it grabi nga trapik sa dayang banwa hay dahil sa pila ka mga talyer shop sa lugar.
Nasayuran abi nga may unang mga talyer nga uwa man it sariling parkingan para sa anda nga mga kustomer rason para sa mga karsadahon lang daya mag park ko andang mga saeakyan.
Dahil kara pagatalakayon pagid daya it mayad ko SB Kalibo sa masunod nga session ag para maubrahan daya it solusyon agod nga indi eon makadugang it trapik sa dayang banwa.
Samtang gina paimbestigahan man ko konseho kung dayang mga talyer shop hay may unang mga permit sa LGU Kalibo.
Sambilog sa mga problema makaron sa dayang banwa hay ro trapik bangod man sa mga pasaway nga mga driver nga naga parking o naga double parking sa gina bawae nga lugar.
