ILOILO CITY – Wala sa gihapon makapakita ang barangay tanod nga si Tim Villanueva sang Sinikway, Lapuz matapos nangin dulaan ini sang nakaligad nga semana dala ang importante nga pagkabutang sang barangay kasubong sang mga liyabe sang barangay hall kag salakyan lakip na ang laptop sang barangay.
Ginpahayag ni punong barangay Felix Ventura nga kalakip man sa ginpalagyo ni Villanueva ang anak sang kaupod sini nga barangay tanod.
Bangud sini, ginpanawagan ni Ventura ang nasambit nga barangay tanod nga magbalik na sa ila barangay kag ginpasalig nga wala ini sang kabalak-an basta ibalik lang sini ang iya ginpangdala nga pagkabutang kag ang anak sang kaupod niya nga tanod.
Nahibaluan nga tuman ka lapit si barangay tanod Villanueva humalin pa sang aktibo pa sa serbisyo sa pagkapulis si punong barangay Felix Ventura. //// Photo from web
