Ginbawian sang kabuhi ang isa ka tapasero sang tubo sang ginlabo sang upod sini nga tapasero sa Barangay Telim banwa sang Calatrava kagab-i, Disyembre 10.
Ginkilala ang biktima nga naka-angkon sang labo sa liog kay Julyten Esconde, legal ang edad sang Barangay Malanog. Ang suspek ang ginkilala naman kay Samuel Villamor, legal ang edad sang Brgy. Telim.
Sa imbestigasyon sang otoridad, may yara sang paglalisay sa tunga sang duha kag una nga ginlabo ni Esconde si Villamor sa paa kag hawak rasun nga nagkuha man sang espading si Villamor kag nagbalos labo sa kay Esconde nga na-igo sa iya nga liog nga gintunaan sang kamatayon sini.
Natabo ang insidente sa puluy-an sang ila nga amo. Gilayon naman nga nagsungka si Villamor sa otoridad matapos makumiter ang krimen.
[image: image.png]
