BACOLOD CITY – Ginbasura sang House of Representatives Electoral Tribunal (HRET) ang ‘Motion for Reconsideration’ o (MR) nga gin-file ni anay Vice-Mayor Jude Thaddeus Sayson.
Gin-dismiss sang HRET ang petisyon sang kampo ni Sayson sadtung November 23, 2017.
Ini angot sagihaon sa pag-question sang anay-bise alkalde sa resulta sang May 2016 Election sa diin ginpahayag sini nga may yara discrepancy sa pag-isip sang mga boto.
Sa desisyon sang HRET, wala nila ginpaboran ang MR ni Sayson bangud nga wala naman ini sang may na-presentar nga bag-o nga rason kag merito sa amo nga kaso.
Bilang reaction ginpahayag ni Cong. Greg Gasataya nga tion na nga magmove-on para sa kaayuhan sang syudad kag lipatan na ang nakaligad sang pulitika.
Facebook Comments
