TATAK 981 DXDR BALITANG ESPESYAL

Sa unang tan- aw nimo maka ingon kag mga bata ang mangsuon nga Atig didto sa Purok 6, brgy.Tabon, Jose Dalman, Zamboanga del Norte. Tungod sa ka gamay unya wala na mitubo.

Ang tulo ka mangsuon mao sila si Jeto Atig, 18 anyos adunay gitas-on nga 22”, Maymay Atig, 14 anyos, adunay gitas-on nga 24”, ug Samuel Atig, 2 anyos, adunay gitas-on nga 22”.

Dako ang gikatingala sa ginikanan sa nahisgutan nga mga bata sa dihang ilang namatikdan nga ang tulo nila ka anak wala gayod mitubo.


Adunay unom (6) ka anak sila si Charlie ug Leonisa Atig, ang tulo ani normal ang pagtubo, sukwahi usab kini sa tulo nga sila si Maymay, Jeto, ug Samuel.

Matod pa sa eksperto, lahi kini sa Dwarfism(unano) tungod kay mo tubo man kini hangtod 4ft. Samtang sa cretinism mo hunong ang pagtubo niini, matod pa kulang ug Iodine panahon nga gisabak pa sila sa ilang inahan.

Hinuon kinasing-kasing gihapon nga gidawat sa pamilyang atig tungod kay matod pa sa inahan nga si Leonisa grasya gihapon kigan sa Ginoo.- MARK A. BACROYA

photo(c) KMJS

Facebook Comments