Tatlo ka division nag-improve ang performance sa SRAA 2019, problema nga naencounter lunsay suno pa operational.

Nasorpresa siya kag posible ang tanan, suno kay Department of Education 12 Regional Director Dr. Allan Farnazo sa pag-improve sang performance sang Kidapawan City, Tacurong City kag Koronadal City tungod sa madamo nga bulawan nga medalya nga nakuha subong nga tuig nga Socsargen Regional Athletic Association ukon SRAA meet kumparar sang nagligad nga tuig.
Ini matapos nga base sa medal tally pasado alas 5 kahapon nga adlaw may-yara sang 30 ka gold ang Kidapawan City, may-yara naman sang 26 ka gold ang Tacurong City kag Koronadal City may 37 ka gold.
May-angot sini, suno kay Dr. Farnazo, dapat nga kulbaan ang South Cotabato kag General Santos City nga amo ang masami nagaaway sang championship sa regional meet sa performance sang nasambit nga mga division subong nga 2019 SRAA.
Ginkumpirmar man ni Dr. Farnazo nga ang problema nga naencounter nila subong nga tuig nga SRAA ang lunsay operational kag may-yara man sang incharge kag tournament managers kon ipadayon ang events ukon indi.