TATLO KA PUMPBOAT NGA MAY BIYAHE ILOILO-GUIMARAS, MAGKASUNOD NGA NAGKAPAN, NAPULO KA PASAHERO, PATAY.

Napulo na ang napatay sa tatlo ka pumpboat nga magkasunod nga nagkapan subong nga adlaw, Agosto 3 bangud sa mabaskog nga mga balud kag ulan ukon pugada.
Una nga nagkapan ang duha ka pumpboat pasado alas 12 kaina sang udto halin sa Parola wharf padulong sa Jordan Guimaras kon sa diin samtang yara sa tunga-tunga sang Iloilo-Guimaras strait, gulpiyada lang nagbubo ang mabaskog nga ulan kag mabaskog nga hangin kabangdanan ginhampak ang mga ini sang dalagku nga mga balud..
Ang una nga pumpboat amo ang MB chi-chi nga may 43 ka pasaherpo kag tatlo ka crew kon sa diin 9 ang patay kag 37 ang survivors.
Samtang ang ikaduha nga pumpboart amo ang MB keziah nga may apat lamang ka crew ang sakay kag lunsay nakaluwas.
Samtang, pasado alas 4 kaina sang hapon, nagbiyahe naman ang MB Jenny Vince halin sa Buenavista, Guimaras padulong sa parola wharf sang ginhampak man sang pugada kag nagkapan.
karga sang MB Jenny Vince ang 37 ka pasahero kag tatlo ka crew kon sa diin 29 ang narescue nga survivors kag may isa ang patay sa Guimaras Provincial Hospital.
Ginalauman nga madugangan pa ang patay matapos 10 pa ang missing nga mga pasahero sang MB Jenny Vince.

Facebook Comments