Tatlo ka sakayan-dagat nga tuyo magdungka sa banwa sang Manapla ginpabalik sang PNP

20

Ginpabalik sang Manapla Municipal Police Station ang tatlo ka mga pump boat nga may sakay sang mga tawo nga tuyo kuntani magdungka sa shoreline sang Barangay 2 banwa sang Manapla.

Ang tatlo ka pumpboat ang wala na ginpadungka kag ginpabalik na lang sa Isla sang Punta Buri, Iloilo matapos madiskubrihan sang kapulisan nga nagabantay sa shoreline sang banwa nga indi man mga naga-pangisda ang sakay sang mga ini.


Gilayon naman nga nagbalik ang mga ini sang nagpaandaman si Bermudez sa mga sakay nga kun indi sila magbalik iga-impound ang ila nga mga bangka kag pagadakpon ang mga tawo nga sakay.

Suno kay Police Captain Jaynick Bermudez- hepe sang Manapla PNP sa interview sang DYHB, ini ang resulta sang maid-id nga pagbantay sa coastal area sang banwa kag matapos nga iya ginpahibalo ang tanan nga mga pumuluyo nga naga-istar sa higad-baybayon sang banwa nga mangin alerto kag dapat magbantay sa mga nagadungka sa ila nga lugar para mapaiway ang posible paglapta sang corona virus halin sa mga kaingod nga mga isla.

[image: image.png]

Facebook Comments