Tatlo ka tudlo sang bata utod matapos nalukpan sang kamara

59

BACOLOD CITY – Utod ang tatlo ka tudlo sang isa ka menor de edad matapos nga ini ang nalukpan sang kamara sini gid lamang nga kaagahon sa Brgy. Sum-ag, Bacolod City.

Ang biktima isa ka 16-anyos nga bata nga lalaki, pumuluyo sang Purok Mahigugmaon, Brgy. Sum-ag, ciudad sang Bacolod.


Suno sa biktima nga may mga las 4:20 gid lamang nga kaagahon sa ila man lamang lugar, ini siya ang nagsindi sang kamara apang wala naglupok.

Bangud sini, iya ini ginbalikan kag gin-uyatan ang kamara apang didto na kag ini ang naglupok, rason nga na-utod gid ang tatlo ka tudlo sang iya tuo nga kamot.

Gindala sa Corazon Locsin Montelibano Memorial Regional Hospital ang biktima agud gilayon nga madapatan sang bulong./dyHB BACOLOD

Facebook Comments

From Advertisers