Taxi driver gikawatan og dakong salapi

Davao City – P60,000 mil nga kantidad salapi ang natangag human giguba ang taxi sa wa mailhing suspek alas 9:45 sa gabie didto sa Carpenter St.Brgy Leon Garcia Agdao siyudad sa Davao.

Mireklamo sa kapolisan sa Sta Ana ang usa ka taxi driver nailang Albert Alonzo, 38 anyos nga nagpuyo sa nahisgutang lugar.

Matud pa iyang gipark ang maong taxi atubangan sa usa ka establisimento sa maong lugar apan sa iyang pagbalik nadiskobrehan nalang niya nga guba na ang maong taxi.


Sa pagsusi nahanaw na ang maong kantidad sa salapi ug uban pang gamit.

Human sa hitabo si Alonzo nagpatabang sa presinto uno aron paimbestigahan ang maong suspek nga mitangag sa iyang kwarta.

RadyoMaN Don Pulayao

Facebook Comments