Taxi driver gireklamo

33

Davao City – Mireklamo sa Sta. Ana PNP ang usa ka teacher nga si Le Kim Dalipe, dalaga ug residente sa may Cabaguio ning siyudad sa diha nga gibastos siya sa driver sa iyang gidakyan nga taxi.

Sa talaan sa Sta. Ana PNP, nisakay og taxi paingon sa San Pedro Hospital (SPH) si Kim aron ipa check-up ang na-operado niya na liog diin gisuginlan niya daan ang driver nga si Randy Soriano nga magpahinay lang sa pagpadagan kay aduna syay ginahambing nga injury.

Apan sa paglakaw niini padulong na unta sa ilang destinasyon, wala kuno mituman ang driver ug nagpakusog hinoon og padagan.

Sa gibadlong niya kini, nasuko ang maong driver ug nagyawyaw sa mga pulong nga dili maayo ngadto sa complainant.

Gidugang sa complainant nga wala kini miundang og yawyaw ug pag-abot nila sa hospital, kalit kuno ni preno ang driver hinungdan sa pagsakit ug samot sa gihambin na daan nga injury sa liog.

Sa mao nga insidente, wala gyud maka angay ang maong maestra sa gipakita nga serbisyo sa mao nga driver hinungdan iya kining gipatala sa Sta. Ana PNP.

RadyoMaN Paul Canono

Facebook Comments