Ginreklamo ni Nelly Jane Sainz, 26 anyos kag residente sang Brgy. Jibao-an , Pavia, Iloilo ang driver sang Mhel and Mhel Taxi nga ginamanehar ni Julieto Colona, 54 anyos kag residente sang Ungka 1, Pavia, Iloilo.
Ini matapos naga-text samtang naga-drive ang driver kag wala nabatian ang mandu sang tagreklamo.
Santo sa report, ginpahanumdom na sang tagreklamo sa driver nga may hapiton ini sa Jaro antes magderetso sa Lapaz.
Dugang pa niya nga nagagamit sang cellphone ang driver kag nagabayolar sang Anti-Distracted Driving Law kag sang iya ginpahanumdom liwat sa driver nga may hapitan ini, ginsabat siya sang mga tinaga nga , “Hambal mo sa Jaro ka lang, kita mo may kadtuan pa ko! . . .mayo lang kamo permi nga mga pasahero kamo lang permi insakto kami lang permi sala! ”
Bangud sang aktwasyon sang driver, ginpalab-ot ini ni Sainz sa kapulisan.
(photo from web)
