Mangin benepisyaryo sang isa pa ka programa sang National Nutrition Council ukon NNC nga Tutok Kainan ang banwa sang T`boli.
Katuyuan sang nasambit nga programa nga malikawan ang stunting ukon pagkaputot sang mga kabataan nga yara sa edad nga 0-23 ka bulan paagi sa paghatag sang tama nga pagkaon kag nutrisyon sa mga buntis nga iloy kag mga kabataan nga yara sa 6-23 ka bulan sa mga target nga lugar.
Samtang ginrekomendar ni T`boli Municipal Nutrition Action Officer Rosedane Sta. Maria sa council nga tutukan ang duha ka mga barangay sa banwa nga amo ang Laconon kag Salacafe nga may 47 ka mga benepisyaryo
Paagi sini suno kay Sta. Maria mangin epektibo ang implementasyon sang Tutok Kainan program sa banwa.
Ginhatagan naman punto ni Municipal Administrator Dr. Salvecio Dagang ang kaimportante sang responsibilidad sang tanan ilabi na sang mga ginikanan sa paghatag sang tama nga nutrisyon sa ila nga mga kabataan agud magmadinalag-on ang interbensyon.
May-angot sini, sa ginpatigayon nga Municipal Nutrition Committee meeting gin-orient ni NNC 12 Program Focal Person Kristine Charl Nadela ang council angot sa Tutok Kainan Supplementation Program.
