Midangop ngadto sa hingtungdan opisyal og tinugyanan sa balaod ang usa ka ginikanan aron ireklamo ang subject teacher sa Mathematics human gidukol og gilabayan sa eraser ang Grade 5 pupil sa Lozano Elementary School.
Gitago sa pangalang Annie ang nagreklamong inahan og niadto na sila sa buhatan sa principal mahitungod sa pagpanakit sa teacher nga gitago usab sa pangalang Jane apan napakyas silang makakuha og tubag gikan sa gireklamong teacher human nga wala kini sila giatubang sa opisina sa school head.
Nidangop na sad sila sa presinto sa kapolisan aron ipa-blotter ang insidente og gitambagan ang mga complainant nga magpasiguro una og medical certificate gikan sa government hospital aron pamatud-an ang reklamo sa 10 anyos nga Grade 5 pupil.
Kini usab ang mando sa Department of Education Division of General Santos bag-o mapasang-at ang pormal nga reklamo ngadto sa legal division sa departamento.
Dugang sa inahan nga nakasinati og kalintura ang iyang anak karon human ginamulo na ang pagpanakit sa iyang ulo tungod naigo sa gilabay nga eraser og gidukol sa Math teacher nga si alyas Jane.
Gikanayon sad sa estudyante nga igo ra siyang nagkuha og notebook sa iyang classmate hinungdan gilabayan og eraser gidukol sa ulo og gikusi ang bugan.
Una nang nasayran nga gikasab-an sa nahisgutang teacher ang estudyante tungod matod pa sa pagpabuyag sa klase.
*For more info’s and updates, like and share our official facebook account : www.facebook.com/ifm91.9Gensanofficial/ <www.facebook.com/ifm91.9Gensanofficial/>*
