Teachers angay ibutangsa listahan sa COVID priorities

Davao City – Giduso karon sa ACT Teachers Partylist ang pagbutang sa mga teachers diha sa listahan sa prayoridad sa COVID vaccine sa Pilipinas.

Sa pakighinabi sa DXDC RMN Davao pinaagi sa primetime program nga Straight to the Point morning edition kang Rep. France Castro sa ACT Teachers Partylist, giingon niini nga gikunsiderang frontliners usab ang mga magtutudlo busa angay kini ibutang sa 1st five sa COVID vaccine priorities.

“Sana ay ilagay sa 1st five (COVID vaccine priorities) yung mga teachers dahil sila yung frontliners… kaya gusto natin mabigyan ng bakuna yung mga teachers para makapagpatuloy na tayo ng pag aaral ng face-to-face,” segun ni Castro.


Pagpasabot niini nga angay nga protektado ang mga magtutudlo ilabi na sa pagpadayon sa ilang pagpanerbisyo nga mahatagan og edukasyon ang kabatan-unan nunot sa gisagubang nga pandemya karong panahona.

Dugang ni Castro nga og mabakunahan na ang mga magtutudlo, hinay-hinay na usab makabalik na sa face-to-face clasess sa nasud.

Samtang sumala sa Department of Health kun DOH, ang anaa sa prayoridad nga mahatagan og COVID vaccine mao ang frontline health workers, senior citizens, indigent population, ug uniformed personnel.

RadyoMaN Renz Barbarona

Facebook Comments