Team CdeO, mihakot og 35 ka medalya sa Batang Pinoy National Finals 2019

PC: Councilor John Michael Seno

Mihakot og 35 ka medalya ang nga atleta sa Cagayan de Oro atol sa bag-ohay natapos nga Batang Pinoy National Finals 2019 nga gipahigayon sa Puerto Princesa, Palawan.

Matud ni City Sports Commissioner Jaymar Rivera nga sa maong kompetisyon, mihakot og walo ka gold medals, 15 ka silver medals ug 12 ka bronze medals ang Cagayan de Oro City delegation nga gilangkoban sa 121 ka mga atleta sa elementarya ug sekondarya.

Misalmot ang mga batan-ong atleta sa dakbayan sa Boxing, Taekwondo, Wushu, Swimming, Chess, Karatedo, Arnis, Athletics, Badminton, Beach Volleyball, Table Tennis ug Wrestling.


Nahimong kampeyon ang dakbayan sa basketball girls human sa taas nga panahon.

Kahinumduman nga nakab-ot sa syudad ang ikaupat nga dapit sa miaging tuig didto sa Baguio City.

Ang Batang Pinoy usa ka tinuig nga national sports competition alang sa mga atleta nga nag-edad og 15 anyos paubos ug mga out-of-school youth subay sa Executive Order No. 44 nga gilagdaan ni kanhi Presidente Joseph Estrada niadtong December 2, 1998.

Facebook Comments