Davao City – Arestado ang duha ka individual nga giila sa kapolisan nga si alyas Lee, usa ka technician taga Brgy. 9-A Poblacion, Davao city ug si alyas Brian, ulitawo nga taga Tacunan, Tugbok ning siyudad atol sa gilusad nga drug buy bust operation sa kapolisan uban ang Regional Mobile Force Battalion diha sa Toril proper ning siyudad.
Sa report sa Toril PNP, nakuha gikan sa mga dinakpan ang dul an 62 mil ka pesos nga kantidad sa shabu nga motimbang ug dul an 4 gramos.
Samtang arestado usab ang usa ka lalaki nga giila sa kapolisan nga si Tan, 24 anyos nga taga North Cotabato dihang misulay kini og pasulod ug duha ka pakete sa pinaugang dahon sa marijuana.
Base sa report naharang sa hiniusang pwersa sa Toril PNP ug Task Force Davao Sirawan ug nakuha gikan sa sling bag ni Tan ang mga kontrabando.
Ang mga nahisgutang suspesado balhug na karon sa Toril PNP ug mag atubang kini ug kasong may kalapasan sa RA 9165 kun Comprehensive Dangerous Drugs Act of 2002.
RadyoMaN Paul Canono
Facebook Comments
