Tecson: 3rd telco dakong tabang sa Davao tourism

Davao City – Gikalipay sa Davao City Tourism Office ang pagsulod sa ikatulong major telecommunications company dinhi sa nasud Pilipinas.

Sumala ni City Tourism Officer Generose Tecson, dakong tabang ang paspas ug kusog nga internet connection sa pagpromotar sa turismo ning syudad sa Davao.

Gitataw ni Tecson nga ubay-ubay ang mga nagareklamo bahin sa kahinay sa internet diin sagad apektado ang mga adunay online business transactions.


“We do hope that they live up with their commitments na mas mabilis na yung ating internet,” segun niini.

Kahinumdoman nga karong semana lang napili ang Mindanao-China based telco nga Mislatel Consortium isip ikatulong bag-ong ‘provisional’ major player sa industriya sa telco dinhi sa Pilipinas.

Sanglit provisional pa lang, ipailawom pa kini sa document verification sa Technical Working Group.

Nasayran nga gipanag-iyahan ni Davao-based businessman nga si Dennis Uy ang Udenna Corporation kinsa dakong suporter ni Pangulong Rodrigo Duterte.

RadyoMaN Jason Amisola

Facebook Comments